Bruggsmiðjan

Salan á jólabjórum fór af stað í ÁTVR, fimmtudaginn síðasta, 19. nóvember, og þar á meðal var Jóla Kaldi. Það má segjast að Jóla Kaldi hafi vægast sagt fengið frábærar viðtökur.

Salan á Jóla Kalda þessa fyrstu helgi var framar björtustu vonum, og er það greinilegt að góð umfjöllun og góðar undirtektir á síðasta ári eru að skila sér í enn meiri vinsældum í ár. Jóla Kaldi var mest seldi íslenski jólabjórinn þessa fyrstu helgi, ef miðað er við flöskur og dósir í tvennu lagi. Sem sagt mest seldi bjórinn í flöskum, og seldist meira en mest seldi bjórinn í dósum. Það er alveg ljóst að með þessu áframhaldi mun Jóla Kaldi seljast upp fyrir jól, þannig að þeir sem vilja næla sér í kippu ættu ekki að bíða of lengi.

Þetta eru frábærar fréttir fyrir Bruggsmiðjuna og viljum við þakka kærlega fyrir þessar góðu móttökur.